唔知係咪年紀開始大(雖然未過30okay？)，開始鍾情於飲茶食點心呢啲老餅行為。以前你叫我陪老人家飲茶？我一定會叫苦連天！反而依家會主動約婆婆去飲個靚茶，沖壺熱香片再加件馬拉糕！C'est la Vie！不過，老人家都係鍾意作對，有時約婆婆飲茶佢居然會叫番我去食壽司，佢話：原來生勾勾都幾好食喎！(原來婆婆都係港女底lol)
有時收早(所謂收早都夜晚9點)想飲個茶，選擇真係唔多。喺朋友K極力推介下，試過尖沙咀唐人館個夜茶，質素好高，已經密謀再約朋友翻啅！幾十款即叫即蒸點心同小食任叫任食，當中包括食完內疚一個禮拜嘅金錢雞！講真，呢啲真係一件起兩件止好喇！先唔理佢肥唔肥，純粹要留肚食其他！而每人最少要order一籠嘅招牌小籠包，摺出傳統16至18摺，皮料1錢8分，透薄到睇到餡料同湯汁喺入面啷啷下，入口直頭湯汁滿瀉，超滿足！甜品方面，一定要留個肚俾芋蓉燉鮮奶，因為呢個真係好飽肚，但又好值得一試，真係好矛盾！佢哋用日本北海道3.6鮮奶加入法國淡忌廉做個燉鮮奶，加埋綿滑芋蓉，口感豐富！(但真係好飽肚hahaha)
尖沙咀唐人館 海港城港威商場4樓4101號舖
2157 3148 夜茶任食 每位$328