四季酒店套房客廳坐擁維港180度無敵大海景。
全新裝修海景套房。
同好多人一樣，我都有一年多冇出外旅行，Staycation興起，正好讓我可以換個角度，由以往經常住外地酒店旅客身份，改為本地旅客去欣賞香港嘅酒店及服務業。今次入住中環四季酒店，獎勵一下自己揀咗全新裝修海景套房，約七百多呎，無論客廳同客房都坐擁維港無敵大海景，落地玻璃窗將整個維港景盡收眼底；客廳色調柔和，擺設既時尚又帶點中國風，配上米色梳化，頗有家的感覺，卧室大床亦對正維港，一起身有個咁嘅景，係正嘅。我係頗著重細節&設備，客廳有免費水果、Nespresso咖啡機(冇乜使用痕跡)、Bose喇叭、防疫用品同埋我最愛嘅茶具，坐喺梳化食個生果呷啖茶望下海景，爽到我懷疑人生。
卧室同樣坐擁無敵大海景。
客廳色調柔和。
浴室設備值得一讚。
對住維港懷疑一下人生。
客廳擺設既時尚又帶點中國風。
作為一個經常浸浴減壓嘅人，係非常重視浴室設備，四季酒店係值得一讚，
1.「日式洗屁屁馬桶」一行入去自動打開，嗰一刻我以為返咗日本；
2.「浴鹽」增強浸浴效果，唔係間間有㗎；
3.「枕頭」放咗喺浴缸邊，浸浴時唔會頂住條頸，舒服程度即時倍增，唔係間間有㗎X2；
4.「浴室腳蹬位」淋浴時候有咗佢，洗腳時輕鬆方便唔洗彎低身，唔係間間有㗎X3；
5.「Bvlgari shower gel」中環名牌酒店梗係用名牌嘢；
6.「Dyson風筒」只要你用過，就知有幾好，中環名牌酒店梗係用名牌嘢X2。
房間裡的十個加分位。
無邊際泳池有恒温功能。
去Staycation其中一個難題係如何打發時間，其實平時返工都好忙，何必逼死自己？四季間房咁靚，我會選擇喺房影相chok下hea下；又或者落去無邊際泳池，有恒温功能兼水底音響系統，就算天氣涼咗都一樣游得。若然港女一點，喺大堂Gallery來個High Tea又得；又或者去Argo Bar飲杯Cocktail(唔好意思我飲咗威士忌)，呢度閃爆嘅環境，保證你影相打卡玩到你電話冇電，一開即爆場係有原因，必去的蒲點！早餐亦可選擇喺Argo食，自助形式，中西款式多且齊晒粥粉麵飯極之豐富，亦可另外Order Egg Benedict，嘆完早餐再返房望下海景再懷疑一下人生，完美的一個Staycation。
https://www.fourseasons.com/zh_hant/hongkong/
一個完美的Staycation @四季酒店
Gallery Tea set精緻。
閃爆的Argo Bar，好啱女仔打咭。
whisky on rock，冰上有argo logo。
早餐可以選擇喺Argo食。