中環最近有妖怪出現，不過呢隻妖怪，如果你鍾意食日本嘢，一定會喜歡，因為佢係一隻會整串燒同魚生飯嘅《妖怪Yokai》。
妖怪Yokai係全球首間以日本漫畫大師水木茂著作妖怪大圖鑑的日式餐廳，店內多個大芒會見到《鬼太郎》中的 一反木綿、唐傘小僧、飛頭首等，加上日式大紅燈籠，肯定會成為打咭熱點，非常Igable。
唐傘小僧
來自九州的大隈啓史
裝修落足本，食物質素又點呢？妖怪Yokai menu只專注炭火串燒同魚生飯，串燒由來自九州的大隈啓史主理，有逾十年經驗的他，將日本炭火串燒嘅傳統口味發揮得極好，其中一串雞牡蠣$50，約手指大小，帶皮去烤，皮脆而肉多汁兼有咬口，加多串砂肝，質素同我喺東京高級鳥燒差不多。
雞牡蠣$50
炭火串燒
另一主打魚生飯，由「鮨さいとう Sushi Saito」監制，所有吞拿魚經熟成處理，山幸五色丼$468(赤身、中拖羅、大拖羅、赤身漬、拖羅蓉)，一碗齊晒多個部位，豐腴甘美，另一碗池魚丼$280，這個丼，不是池魚有幾新鮮幾鮮甜，飯才是重點，飯加了芝麻同切碎的漬物，加上紫蘇，每一口飯都銷魂蝕骨，好吃死了。吃著吃著，日本旅行感覺全部返曬嚟。呢兩款丼必吃。
妖怪Yokai│中環皇后大道中80號H Queen's 23樓│2368 8331
山幸五色丼$468
池魚丼$280
飯加了芝麻同切碎的漬物