EC職場周記—慣性加班招致「加分」？還是「扣分」？(下)

【上集講到】

冬至正日早上，趙總透過碧姐宣佈，各位同事若放棄午飯時段，可直接3:00鐘放工，提早應節……這本該是好消息！畢哥想藉這個機會逛工展會，順道買點禮物孝敬家人，打算邀請楚丁同行；怎料，楚丁的計劃卻是加班；雖然她也正打算買禮物，只可惜被積壓的工作牽著。這觸發了「慣性加班」的楚丁和「遲到早退」的畢哥之間的對比；最後，碧姐和趙總也加入了討論，雖然氣氛是正面融洽，但也令各人有不同的反思……

【成本會計】

趙總：「阿畢，要解釋MBO之前，我要先解釋一下成本會計嘅概念先……」

畢哥：「嘩！趙總即喺趙總，開口都好似講書咁喎！」

趙總：「都係邊做邊學啫！我喺紅褲仔出身，做過銷售、跟單、總務……亦有機會跟碧姐一齊進修下管理；打工仔最緊要就喺對得住份糧，無論幫公司做嘅、搵返嚟嘅……都要令公司有錢賺！」

畢哥：「咁唔係樣樣嘢都有得計喎？我做銷售，低入高出，中間令到公司有錢賺，好易明！但喺好似楚丁咁，佢做支援，好多嘢計唔到喎？」

趙總：「講得啱！正正就喺有個別工種容易量化，同事就較易明白，呢啲概念，就可以算喺『成本會計』啦！就用楚丁做例子，佢做文件雖然直接賣唔到錢，但佢嘅工時都喺成本，而且，隨著佢越來越叻，人工越來越高……佢做同樣嘅文件，今年就一定貴過舊年……」

畢哥：「趙總話妳貴呀，楚丁！聽唔聽到呀！好心妳就做快啲啦！做嘢越嚟越慢，仲搞到成日要加班……！」

碧姐：「阿畢，唔好咁樣話楚丁，呢方面我最清楚！楚丁喺好乖、好勤力、做嘢好謹慎……令人好放心嘅！趙總剛才所提及嘅，唔喺你表面諗得咁簡單！」

【簡單工作 vs複雜工作】

趙總：「我今日真喺好開心，我身邊嗰嗰都咁聰明，位位都咁稱職，唔怪得之疫情都打我哋唔冧啦！阿碧，妳讀管理叻過我，妳繼續解釋下俾大家聽……」

碧姐：「好呀趙總！譬如：阿碧要做『複雜』同『簡單』兩種文件，『簡單』嗰啲，其實嗰嗰做都差唔多速度；阿畢，若果叫趙總做貴啲？定喺叫楚丁做貴啲？」

畢哥：「咁梗喺趙總做貴啲啦！」

碧姐：「啱啦！但喺，隨著楚丁越做越有經驗……佢經已開始做緊好多『複雜』嘅工作，所以人工都隨之而提升緊；咁樣本來喺好事，只可惜：大家都習慣咗將『簡單』嗰啲工作繼續依賴楚丁；其實，我都講過好多次：呢類『簡單』嘅工作應該交俾新請嗰幾位兼職同事，無奈，大家又唔聽，加上楚丁又唔識得推大家，所以搞到自己超負荷，仲要成日加班！」

畢哥：「開頭聽碧姐講，好似喺度讚緊楚丁……聽落去，又變咗喺話緊佢，仲有啲話埋其他人咁！諗諗下都有話埋我，因為我成日唔想俾啲文件兼職同事跟，話晒楚丁跟開，我總喺放心啲……」