EC職場周記—搵工跳槽過聖誕？(下)

【上集講到】準備迎接聖誕和農曆新年之際，當大家都籌算著今年公司出幾多花紅，怎料全公司最乖、最忠誠的楚丁，竟然令到大家懷疑她變心，正在找尋新工作……事緣是趙總收到一個「截頭爛尾」的留言，大概是想致電核證一下楚丁的資料；正當趙總打算回覆之際，碧姐制止了趙總，並打算向畢哥查證一下；真的沒想過把畢哥「嚇了一跳」，他稍不留神，更加把手上的水杯掉落地上，弄到遍地玻璃碎片和水漬……

【著緊？著急？】

畢哥：「楚丁！妳當唔當我喺朋友先？」

楚丁：「吓！點會唔當你喺朋友呀？呵！你唔係咁小氣呀？上次約咗你食午飯，後來唔記得咗，自己又叫咗飯盒……放咗你飛機！小事嚟啫！點會唔當你喺朋友呀？」

畢哥：「妳仲唔認！我有咩都同妳傾……妳就乜都唔講！」

楚丁：「畢哥，平時好少見你咁著緊㗎！咩事呀你？你喺唔喺有單簽唔到？還是俾趙總鬧……心情唔好呀？」

畢哥：「好著緊咩？……無呀！有啲情緒之嘛！妳仲唔老老實實！」

楚丁：「好著急喎！但喺我真喺唔知你想我講啲乜嘢俾你聽囉！」

畢哥：「我嚟問妳：『妳喺唔喺搵趙總做妳推薦人？』」

楚丁：「咁又係喎！點解你又會知嘅？」

畢哥：「嗱！嗱！嗱！都話妳收收埋埋㗎啦！依家終於肯認！」

楚丁：「畢哥！好小事嚟啫，洗乜咁著緊喎？」

畢哥：「呢啲咁大件事，都唔同我商量！尤其是依家臨聖誕……近新年……」

【埋年攻心秘笈】

楚丁：「吓！搵趙總做推薦人要考慮時節㗎咩？我真喺無諗過喎！」

畢哥：「呢個時節，人人都諗緊點樣乖啲？點樣俾上司照肺？出份大雙糧……過返嗰肥年！點會有人……？」

楚丁：「我記得呀！早兩個禮拜，你仲親手寫咗嗰《埋年攻心秘笈》俾我……」

畢哥：「記得！記得！咁咪喺囉！咁妳又轉工？」

【誤會一場，原來她想……】

楚丁：「幾時話轉工呀？啊！我明白晒啦！院校收到我份申請，打電話俾趙總……你就當我想搵工跳槽，俾新老闆打電話過來check reference【1】，喺咪？」

這時，碧姐和趙總剛巧也路過，不約而同地加入這次的討論。

碧姐：「喺呀楚丁！大家都好關心妳！知妳又做到嘢！又乖！家庭又需要呢份入息做支柱……唔單止喺畢哥！我哋咁都好擔心！喺咪呀趙總？」

趙總：「梗喺啦！我聽完嗰電話，無頭無尾……聽到妳『歸楚丁』嗰全名，又叫我覆電話2XXX 5656俾嗰位張生……我聽到『唔撈唔撈 (5656) 』我嗰腦就只喺諗到妳轉工……」

碧姐：「喺呀楚丁！妳睇下，唔單止我，連趙總都咁著緊妳……不過……」

楚丁：「不過咩呀碧姐？」

碧姐：「不過，我哋都唔算最著緊！又著急，又著緊嗰個，應該喺打爛杯嗰位人士囉！」

楚丁：「吓！打爛杯？有無整親呀？」

畢哥：「無！梗喺無啦！我身手咁好！點會整親啫！」

趙總：「好啦！咁就好啦！楚丁，我知妳在院校成績優異！現在的崗位喺有啲大材小用咗妳！不過，若果妳開始讀書，我首先代表公司表示支持！我和阿碧當年都喺邊做邊讀……當妳開咗學，我和碧姐不會改變太多，以免影響到妳學業，但當妳差唔多畢業嘅時候，記住update返公司，我同碧姐到時儘量安排啲好嘅發展機會俾妳，等妳學以致用……」

楚丁：「好喎！多謝趙總！呢份聖誕禮物仲好過出花紅！」

碧姐：「楚丁真喺人又乖！把口又乖！趙總：嗰客啱啱寄訊息過嚟，話銅鑼灣港鐵站有故障，他過唔到海，約會取消了……」

趙總：「咁都好！錯有錯著，既然大家咁開心，阿碧，叫下午茶，我請客！就當喺預祝楚丁獲取錄！重投我哋當年「半工讀」的「那些年」啦！」

眾人齊聲：「多請趙總！」

【註1】資歷核查，通常是收到推薦人名單時，新公司或新院校致電核對一下資訊，是官方慣常的往來手續。