近日租務部同事比租客「煩到七彩」，不是要求減租，而是要求傾一張新租約，即使在年底到期，都希望提前現在洽談。我話一張都唔傾，不但續租唔傾，就算新租都唔傾，因為現在的租金不合理，3個月之後才再傾，屆時，租金就會合理得多。同事問，唔傾新客，豈不是益了行家，我就是想益行家，他們的物業租出，空置率就會下降，我可以攞高一些租金，這是一個雙贏方案，如果我現在同行家搶客就不是雙贏，而是兩敗俱傷，同事們一臉茫然。
有同事問點解可以做這個咁大膽決定，差不多是退出市場，將這3個月的客人送予行家，我話關鍵是四個字，「止跌回升」。如果大家認同樓市止跌回升，我的行為又不是很大膽，所有同事話，樓市一定是止跌回升，在過去一段時間，大多數租客都牙痛咁聲，話生意難做，炒了不少人，失業率飆升亦可以證明這事實。近日他們反而問我們有冇空置舖位，他們有朋友想開舖，同事話當然不是租客朋友，是他們自己，如果實話實說，傾租約一定很困難，這點做業主的一定明白。
有同事問，是否在這3個月內，所有租約都唔傾，甚至到達我們的要求都唔租？我話做生意點可以咁死板，到價即是租金回升，如果租金已經上升，又何須要等3個月。我的意思是，同事可以在這3個月毋須理會租客所講，總之到價就租，有空置就不是他們的責任，我孭。
由於工商物業，過去大半年跌得太殘，保守估計平均有25%至30%，跌得多反彈力度一定會很大，就算反彈一半，租金樓價的升幅都很可觀，近日中環中心中層有一單交易，超過8億元，樓價已經反彈了很多，如果唔計使費，業主大約可以有兩億元利潤。較早前有人話同誠哥對賭，輸死班投資者，今次交易，傳媒只是輕輕帶過，並沒有替投資者計數，更加唔會話輸死中環中心與誠哥對賭的投資者。
作者為紀惠集團行政總裁
文章轉載自「AM地產」facebook:
http://bit.ly/2wls4EF