EC職場周記—零售商聖誕零受傷？(上)
【被裁的小倩遇見畢哥】
畢哥：「唉！通常過到嚟柴灣，梗喺會上去樟記【1】，探下細張、吹下水之餘……有時細張仲會請吓我午飯或者下午茶……唉！呢啲都唔重要，喺疫情之下，最唔想周圍去搵公廁，原來，每當我過到嚟柴灣，一諗起借廁所，樟記就是我最深刻嘅印象……」
小倩：「喂！畢哥！畢哥！」
畢哥正在沉思之際，名字忽然被人呼叫了兩次，如夢初醒：「喂！小倩！妳好呀！剛剛喺到諗起妳前公司，突然又聽到樟記最甜美嘅聲音……小倩姑娘！咁啱嘅！去邊呀？」
小倩：「唉！大家咁熟……先至講啦：自從公司撤出香港，遣散咗大家之後，我每日投閑置散；無搵工咁耐，又加上年尾……我喺屋企坐咗成日，諗住落嚟行吓街，一邊無咁悶之餘，一邊又可當做吓research (市場調查)……」
畢哥：「聽妳咁講，應該喺未返工……既然未返工，做咩嘢research呢？」
【手執微薄資金創業的小倩】
小倩：「畢哥真喺醒目！俾你三兩句就聽穿咗我嗰計劃！我其實無咩信心搵工，反而，難得收到公司補俾我嗰筆錢，我諗住創業；與其無人請，不如自己嚟……」
畢哥：「小倩，妳都醒目啫！喺樟記班同事入面，唔計細老闆阿張，妳都算觀人於微，親和力又好！尤其妳把靚聲，講電話都足以冧掂晒啲客，若果見到面，據聞妳有個紀錄，連續3個月：有客就即撈，投訴就息怒！」
小倩：「咁就係！咁都俾畢哥知道！仲要記住記到依家……」
畢哥：「當時我同細張吹水，佢經常都把妳掛在咀邊，大讚特讚！佢仲話：公司請到妳，喺公司最珍貴嘅資產！」
小倩：「有無咁誇張呀？」
畢哥：「有麝自然香！講返依家先，妳諗住做咩生意呀？」
【多人買小貨，小人買多貨】
小倩：「我就喺頭痛緊！大概諗到嘅情況就係：貴嘅貨，現在無人捨得買！平嘅貨，現在啲客寧願自己上網淘……所以我越諗越迷失！」
畢哥：「嗱！所以就話小倩妳聰明囉！妳啱啱講呢句就已經唔簡單！起碼，妳識得用「貴」同埋「平」嚟做區分！喺市場學，呢啲叫做 Market Segmentation (市場劃分) ……」
小倩：「畢哥！多謝你鼓勵！可唔可以講多些少？」
畢哥：「唔好客氣！大家一場相識，撞到，吹吓水啫！妳有無聽過：多人買小貨，小人買多貨……」
小倩：「好似有……又好似無……你講多些少嚟聽！」
畢哥：「小貨即是平貨，要多啲客幫襯，先至賺到錢！多貨即是貴貨，只要有些少客人幫襯，就直接賺到錢！」
小倩：「咁係人都揀後者啦！」
畢哥：「話雖如此，但喺就唔喺人人都可以捉得住嗰班買貴貨嘅客，加上，呢嗰群組喺『小人』，即是人數少，所以，要搵出呢班客，仲要成交，就喺難上加難啦！」
小倩：「咁即喺唔啱我啦！尤其是我依家喺啱啱創業，乜都無……」
畢哥：「咁小倩妳就千祈唔好咁妄自菲薄，因為妳與眾不同嘅地方，就喺……」
【下期待續】
《EC職場周記》角色介紹
本劇主要圍繞4位主角，分別是兩男兩女。
趙達標：總經理。任務導向，人緣方面就……
崔畢源：銷售經理。開朗樂天，講就天下無敵……
歸楚丁：初級文員。任勞任怨，平易近人……
沈碧堅：行政主管。有原則，要求甚高……
相關文章：