EC職場周記—零售商聖誕零受傷？(下)
【上集講到】
畢哥在柴灣偶遇樟記的前員工小倩，得悉小倩被遣散後一直未能找到合適工作，反倒想善用手上的補償金，嘗試一下創業，只可惜未能拿定業務方向……畢哥一語道破小倩的個人特質，印象深刻、欣賞之餘……也認為小倩是難能可貴的創業者，想鼓勵她一把……
【「小人買多貨」的市場定位】
畢哥：「小倩，就著『小人買多貨』這群組，妳諗到佢哋有乜嘢特徵？」
小倩：「俾得起錢囉！」
畢哥：「啱！答得好！佢哋最欠缺乜嘢？」
小倩：「時間囉！」
畢哥：「啱！答得好！佢哋近期最緊張乜嘢？」
小倩：「做埋啲手尾過聖誕、同埋過年囉！若果我仲喺樟記做緊，我咪就係喺呢種人囉！」
畢哥：「啱！答得太好啦！妳用insider (局內人) 或者 me-too (過來人) 的角度去投入班客嘅心態，呢樣咪叫做『同理心』囉！」
小倩：「幾啱聽喎！講多少少……」
畢哥：「舊年嘅今日，妳趕緊過聖誕、過年、公司又忙、又付擔得起、有啲咩嘢最想搵人幫？」
小倩：「買聖誕禮物囉！出街又無時間，疫情又嚴峻，上網淘雖然方便，但喺花多眼亂，買咗都怕俾人識穿喺淘返嚟，諗下諗下又驚失禮……所以諗到頭都大晒！」
畢哥：「嗱！嗱！嗱！好接近真相……咁最後點算？」
小倩：「最後，我兵分兩路：好重要嘅朋友，我自己落公司親手揀禮物、無咁重要嘅朋友，我自己抽咗兩日出嚟，DIY自家制作曲奇餅，淘咗啲包裝盒……化身做工廠，然後，再化身做物流，親自送貨俾朋友囉！」
畢哥：「聽到都覺得妳辛苦！咁忙！可以送去邊？」
小倩：「通常，都係放工時間，喺港鐵站交收……」
畢哥：「其實，今年嘅小倩，咪可以幫到舊年嘅小倩囉！」
小倩：「係喎！咁我明白晒啦！你好勁喎畢哥！」
畢哥：「講嚟聽下，睇下喺咪真喺明先？」
小倩：「我可以幫嗰班唔得閒去買禮物嘅群組，按佢哋嘅朋友清單、口味，去準備禮物……最後，仲可以代為送貨……呢個咪喺一門生意囉！」
畢哥：「完全正確！我同細張都話妳喺醒㗎啦！」
【「多人買小貨」的市場定位】
小倩：「畢哥！仲有『多人買小貨』嗰邊！我都諗通咗啦！」
畢哥：「講嚟聽下……」
小倩：「其實我舊年整曲奇餅俾無咁重要嘅嗰班朋友，咪正正就喺『多人買小貨』囉！……反正都喺整，又唔介意整多啲……又反正『小人買多貨』嗰邊都要送貨，都唔介意一併送埋：港鐵範圍內，代送貨服務……」
畢哥：「嘩！睇妳今次創業真喺會做到『零受傷』喎！」
【符符碌碌，幫到阿叔】
小倩：「真喺多謝晒你呀畢哥！點解你諗到，你又唔做嘅？」
畢哥：「無呀！我諗唔到㗎！我頭先問下妳問題之嘛！反而，我聽完妳咁講，我想抄下計，話俾我阿叔知就真……」
小倩：「Uncle做邊行㗎？」
畢哥：「我阿叔間小店賣宗教禮品嘅，我打算提醒佢，將唔同嘅貨品組合一下，例如：價位、職業、人生階段……咁樣，有唔同嘅套餐，倘若遇到舊年小倩呢種客，可能一個小倩就會買十零廿個套餐……咁仲唔喺『小人買多貨』？」
小倩：「你Uncle會唔會幫我訂啲曲奇餅，方便下佢啲客呀？」
畢哥：「都話妳喺醒㗎啦！我介紹Uncle俾妳識！」
《EC職場周記》角色介紹
本劇主要圍繞4位主角，分別是兩男兩女。
趙達標：總經理。任務導向，人緣方面就……
崔畢源：銷售經理。開朗樂天，講就天下無敵……
歸楚丁：初級文員。任勞任怨，平易近人……
沈碧堅：行政主管。有原則，要求甚高……