如何選擇合適自己的心理治療服務？
當有情緒需要嘅時候應該搵精神科醫生？催眠治療師？臨床心理學家？輔導心理學家？社工？輔導員還是....？
理智上有病要睇醫生人人都知，但當你有情緒問題嘅時候大部分內心都會經歷過好大好大嘅掙扎，到底去搵人幫手唔搵人幫手好？就算真係去搵人幫手，又應該搵咩人幫手呢？
今日就我個人畀一啲意見大家。
如果你最近突然感覺到空虛寂寞、或者生活上有不如意 令你有一點情緒困擾，我會建議你先畀自己獨處一下有需要可以搵朋友傾訴。
但如果你發現自己無法處理，就請立即尋求相關協助，避免傷口愈嚟愈大，影響愈嚟愈深。
咁應該搵咩人幫手係最合適呢？
如果有明確嘅心因， 例如最近發生咗一啲事情令到情緒好低落，輔導員社工、催眠治療師、靜觀導師等都係一個好嘅選擇讓自己可以好好沉澱，甚至解開心結。
但若果問題屬於比較嚴重，例如 一些比較嚴重的創傷， 有或者需要進行心理評估就需要臨床心理學家幫忙。
又假如開始出現一啲幻覺， 例如幻聽等就可能需要精神科醫生提供協助。
我經常用一個比喻，就係當我哋病會去睇醫生 ，身體有傷口我哋會去搵膠布，從而避免惡化，但情緒上呢？若你內心有傷口冇好好處理，佢一樣會惡化，甚至會慢慢影響我哋嘅生活。
及早求助並不羞恥，反而係一個對自己想過更好生活的有力宣告。
Tim Sir林雲峯
催眠治療學導師
香港催眠輔導中心創辦人