你與你的另一半每天有30分鐘好好說話嗎？
我有一個女性朋友，她與丈夫結婚9年，女的從事會計工作，男的是一位心理輔導員。
現在有一個五歲的兒子。
早前相約他們晚飯就有以下這一幕。
男：「你想食乜嘢？」
女：「都唔係好敢食，最近肥咗手臂啲肉都出晒嚟。」
男：「肥少少好睇啲嘛！」
然後兩個自己相視而笑。
當下我即刻覺得點解我要喺度做電燈膽。
他們的恩愛絕不是曬命扮嘢，絕對是人前人後都同樣一致。
有一日我終於向他們請教到底如何可以將感情保鮮得咁好。
我的朋友跟我分享一個非常重要的秘訣，就係你願唔願意同另一半每日傾偈30分鐘。
這個傾談唔睇電視、不攞手機、不回覆電郵、亦暫時不理會孩子，就專心地兩個挨住對方傾下偈。
傾偈內容可以是電影、日常生活，總之就是當日發生的事，盡可能用心傾聽，如是者風雨不改持續了這個習慣9年。
就算其中一方與朋友去了旅行他們都要睡前傾半小時電話。
總之就係要花半小時好好分享今日發生咩事。
其實婚姻上出問題大部分都是溝通出了問題，當我們停止說話、停止表達，一切也就離完結不遠。
每一日好好與另一半溝通，但請記住溝通是一個雙向的過程重點不在於你講咗啲乜，而係在於你聽到啲乜嘢。
由今日開始每日暫停30分鐘與你的另一半好好咁樣傾下偈。
作者為HCAA亞洲催眠治療及輔導協會創會理事、HCCHK香港催眠輔導中心創辦人Timothy Lam林雲峯