其實早在海潮食堂未大紅之前，我已經由識食朋友KC口中認識呢間茶記。既然咁多傳媒朋友介紹過，我就唔再特別講。不過，志雄哥嘅麻甩美食真係好得大家歡心！
今日想同大家介紹嘅呢一間cafe都係位於同一條街，隱藏於成業工業大廈嘅「高興」。咖啡店由後生仔打骰，個個都親切友善，笑容滿面，個個都禮貌大使上身咁，超抵錫！餐廳裝修充滿舊香港風格，一邊係理髮廳，另一邊設有細細嘅舞台，歡迎獨立樂隊演奏。
牆上嘅霓虹燈招牌幾乎成為咖啡店特色，基本上每個人嚟到都會影一影。其實觀塘有唔少充滿特色嘅Café，但有部分都係「好睇唔好食」，裝修靚但係食物差；又或者食物質素正常但係價錢偏高。畢竟都係觀塘區嘛！始終都要取個平衡。而高興，食物質素唔差之餘，咖啡仲拍得住連鎖咖啡店水準。食個下午茶，炸雞扒配超大份粗薯條，整番杯玫瑰cappuccino，都係$41，邊度搵？
(當我醒起要影相嘅時候已經食咗一半，haha）
觀塘成業街19-23號成業工業大廈地下2號舖(隱藏大廈入面，唔識搵就問人啦)