呢幾日熱到飛起，要同小朋友輕鬆感受夏日氣氛，可以留意今個星期六同日於荃新天地舉行的「夏日熱親子市集」。活動雲集多達60個不同特色手作同設計小店，夏日炎炎帶同小朋友感受市集氣氛，實行過一個色彩繽紛的親子消暑周末。
市集內有各種童裝童玩檔舖、運動服裝泳衣、健康食品，還有糖藝、畫藝、紙藝。部分檔主更親身上陣及預備了親子小手作工作坊，當中包括夏日熱裝飾「DIY火烈鳥工作坊」、「 Tote Bag 任畫任油工作坊」及吹糖與糖畫手藝體驗等。
除工作坊外，市集亦安排其他免費活動體驗，當中包括糖畫先生的糖畫手藝體驗及被列入「香港非物質文化遺產」的傳統吹糖技藝，現時全港只剩下兩、三名師傅，人稱「糖姨」的鍾彩雲，是其中一位碩果僅存的吹糖師傅。
