用奇異果煮嘢食，大家會諗到啲乜？嚟嚟去去少不免整沙律整果醬整果乾，邊有諗過奇異果可以用嚟配搭鹹食先得㗎！早前跟Zespri飛咗轉新西蘭，佢哋特別安排咗個大廚喺果農屋企，即席用新鮮奇異果煮番兩味。味道酸甜的綠奇異果用嚟配炸嘢，又或者紅肉都非常之夾，前者可以中和油膩感，後者突出肉香之餘，亦有助開胃，唔怕meaty到滯住滯住。而奇異金果甜美多汁，用嚟整甜品，甚至簡簡單單配一球雲呢拿雪糕已經好好味。佢哋仲私人醒咗個tip俾我，每日飲杯用奇異金果blend成嘅果汁，腸胃都會好啲，包你日日都便便暢通。唔怪得之佢哋咁fit啦！
