去年訪港旅客回升，來自日本及東南亞的遊客更大幅增加，旅發局主席林建岳(岳少)與一樣福相的總幹事劉鎮漢Anthony，昨日一齊跟傳媒見面時容光煥發，Anthony話旅遊業整體環境改善，希望今年繼續有增長。不過，岳少話而家東南亞旅遊業競爭非常激烈，香港喺住宿和機位方面進展仍未及其他對手，仲話家陣大家旅遊又點會簡單觀光購物就滿足，除了著重深度體驗外，旅客亦非常依賴數碼媒體，所以食腦少啲都追唔上大勢。
旅發局去年提倡深度遊，其中以各類掌故和故事吸引遊人的「舊城中環」就十分成功，更在全球各地獲得十多個廣告和公關獎項，叫好又叫座，所以打算食住個勢，繼續以香港故事為主題，準備今年下半年推廣深水埗為主的深度遊，展示港人的衣(尋找DIY材料及廉美服飾)、食(品嘗地道美食)、住(認識公共房屋發展史)、行(漫遊尋寶)。RAY一向為食，不時逛下深水埗，聽到佢哋介紹，都熱切想認識一下街頭小食以外的深水埗。
