休漁期過後，街市賣的海鮮又抵又肥美，鮮蝦$90斤，我最愛的烹調方法就是簡單用鐵板燒處理，伴以海鹽、黑胡椒調味，燒烤的香氣加上肉質鮮甜無比，配上合適的汽酒，好味到無嘢講。
今次搞搞新意思，其實只係唔想清洗鐵板，我將所有材料包裹在焗爐紙，直接放入焗爐高溫烤焗15分鐘就可以了，簡直是一個零失敗的料理！
材料：
鮮蝦一斤
蒜蓉4粒
牛油20g
白酒100ml
金不換香葉15-20片
青檸2個
海鹽、黑胡椒
焗爐紙
可放入焗爐鐵鑊
圖1：鐵鑊鋪上焗爐紙，放上已洗淨抹乾的新鮮蝦，隨意放上蒜蓉、金不換香葉、海鹽、黑胡椒和倒入白酒。
圖2：再加入牛油，然後將焗爐只包好，放入已經，預熱200度焗爐焗15分鐘，出爐之後擠上青檸汁，就可以享用啦！
(圖1)
(圖2)