防疫6千億
陳茂波話，疫情3年來，政府支出6千幾億港元，比起整個廣東省，人家都只用1,703億港元，我們用的是3倍多。可是，廣東省人口是1.26億，香港只是7百萬，人家卻是我們的18倍。用簡單的數學計算一下，3年來平均一個香港人支出了85,000港元，而廣東省人只花了1,350港元，即是63倍。
香港人真是尊貴一點，所以花得起錢嗎？但想一想，這幾年來用的檢測包，全都是大陸貨，不知道香港政府灑了幾多錢給大陸。內地大陸檢測得少嗎？不可能少過香港。有朋友在大陸工作，他說當時每次回去都是折磨，由入境到終於可以自由活動，高峰期可以「撩鼻」一共十幾廿次，鼻都爛。香港有私營機構負責檢測/打疫苗，全部都賺個飽。感覺就是全部香港人都入了私家醫院，棉花？「有有有，計返錢啫！」輸血？「有有有，梗係有，幾多都有！我哋都係吸完你啲血，再俾返啲你啫。」同一樣的棉花，在養和醫院和法國醫院已經兩個價。
我沒回過大陸，所以對入境內地沒印象，但在香港打疫苗，我永遠覺得疫苗中心周圍都是「冗員」。「先生呢邊吖。」「先生你可以入去。」「先生身份證吖。」「先生你坐呢度吖。」「先生可以睇下條款同唔同意。」「先生你再坐前少少吖。」「先生你可以去7號打針。」每個小步驟都有一個人負責，人多到不能。我每次去完政府搞的項目都會講——「你試下呢單嘢係私人機構搞，幻想下滙豐銀行搞咗個活動，會唔會門口企10個人，帶隊又10個人吖？一個職員已經可以控制晒成條人龍啦，咁多人做咩姐？」
我之前旅行後回港，即使政策已經半鬆綁。我回程香港時，在機場仍然是10步見1人，Check身份證又一個人，遞嘢又另一個，指示我前進又是另一個人。當時我在想，沒所謂吧，當是製造職位，雖然很多人一起做很少的工作，但也算是暗暗支持著他們的生活。但問題又來了，「工作」的人多，但效率又好低，衛生署的電話長期沒人聽，深水埗居民檢測又排幾個鐘頭。大佬我俾咗85,000蚊，你都俾返啲私家醫院質素我吖！