你係咪搵我？
舅父：你係咪搵我？
外甥：無呀！
舅父：你搵過我？
外甥：無喎！
舅父：咁你係咪想搵我？
外甥：都唔喺啫！
舅父：無理由㗎……我明明……
外甥：你今晚食咗藥未呀？
舅父：食咗！咪住……噚晚食咗，今晚好似未……
外甥：唔緊要啦！你攞個藥盒俾我睇下……呵！今晚仲未食喎，快啲斟水食咗藥先……好彩你肯用我呢個每週有7格的藥盒，邊日食咗、未食，一目了然！
舅父：咁你頭先係咪諗住搵我，提我食藥呀？
外甥：呀！我記得啦！我頭先真係諗住搵你，問下你聽日邊嗰陪你覆診？不過怕你瞓咗覺，所以最後唔敢搵囉！
舅父：小麗最乖！成日掛住我！不過妳成日無記性，妳應承咗我：聽日陪我覆診，妳唔係唔記得嘛？
外甥：喔！好啦好啦！我聽日陪你去，你都乖乖哋早啲瞓，唔係聽日唔陪你㗎！
舅父：小麗最乖！咁妳聽朝記住嚟搵我，一齊食完早餐，一齊出門。
外甥：好啦！早啲瞓啦舅父！早唞！
【EC生活微積Fun】
周朗感謝各位讀者支持，衝過1300日……特意加推《生活微積Fun》，這是在「職場」和「教育」之外，希望為大家增潤一點素材，一齊「微」觀下在「生活」中「積」極的「Fun」(樂趣) 。