Takano多賀野第二間海外分店選址沙田。
日本過江龍拉麵店多賀野殺入沙田開分店！其實香港有好多所謂過江龍，真心做得好又keep到水準嘅並不多，我覺得多賀野係比較有heart，一碗拉麵最重中之重一定係麵同湯底，配菜嘅多寡從來不是重點，麵質唔好，你俾十片叉燒我都冇用，一定判你死刑！多賀野沙田分店同K11一樣自設製麵機，採用蕎麥麵粉每日新鮮製作再熟成一日，非常講究，size偏向中太麵，入口有嚼勁帶點麥香。麵質上乘，比起其他拉麵店已經贏在起跑線，多賀野招牌之作醬油拉麵$128，湯底選用日本鰹魚乾、雞肉及豬肉熬製，加上自家製醬油，清香不膩口，糖心蛋係日本太陽蛋，靚嘢嚟，而叉燒亦不錯，夠肥夠香，可以厚切一點就更佳。
Takano多賀野招牌之作醬油拉麵$128
叉燒夠肥夠香
自設製麵機
每日自製新鮮麵條
另一款芝麻辛辣拉麵$138最得我心，做法跟足日本嘅和風担々麵。和風即係唔太辣，以香濃稠為主，用香蔥疊成一個小山丘，再撒上大量芝麻同辣椒油，賣相頗吸睛，湯底同中太麵非常匹配，每口麵都極惹味，我強烈推介！
各位沙田友有褔了，以後唔使特登出去尖沙咀K11排餐死。
芝麻辛辣拉麵$138 香蔥成座山咁，芝麻又多，賣相討好。
吉列和牛芝士丸$72
麵條同香辣濃湯味道好夾。
Takano多賀野│沙田正街18號新城市廣場一期1樓167號舖│2887 8133