職場奴騷一show—停課不停工
【前言】
新一年跟編輯約好，新增一個《職場奴騷一show》，目的是希望更加貼地，緊隨各位讀者的呼吸……倘若大家有特別課題想分享，也歡迎知會周朗：[email protected]
【處境一】
「你可唔可以早啲上嚟？然後等到我哋返到屋企先至走？」
「唔得呀！咁你有冇大學同學可以介紹俾我吖？我哋(父母)想由每週3日加到5日，時間就提早兩小時開始……」
「暫時無呀！咁佢哋(停課的仔女)點算呀？」
「吓！若果用zoom，就可以…！」
「我其實幫佢哋報咗好多zoom課程……我喺想搵人幫我看住佢哋zoom……咁即喺叫我請嗰人用zoom看住佢哋zoom？」
【處境二】
「阿媽！政府宣佈停咗面授課，兩嗰細佬喺屋企冇人陪！妳可唔可以過嚟幫手睇住先？」
「吓！妳過咗嚟冇人睇住啲花？」
「阿媽！妳唔好理盤花先啦……我請到假就唔煩妳啦……」
「咩話！唔喺盤花？喺睇看住老豆唔俾佢有機會採花？」
「咁妳帶埋老豆一齊過嚟咪得囉！」
【處境三】
「老闆呀！我做晒今日嘅嘢啦……我可唔可以早走1個鐘？」
「點解！因為我唔早啲返，又買唔到餸！阿仔又唔願自己做功課囉！」
「呵！仲有一份文件？我頭先睇唔到……唔好意思！」
「吓！唔喺頭先睇唔到！而喺啱啱嚟搵你，你先至諗到！多謝我提醒你……做完就可以走得！多謝晒喎老闆！」
「唉！我睇落比平時仲要遲多1個鐘先走得到！」
【處境四】
「你有無問清楚老師點交？」
「若果唔知點交？佢又點知你做咗？」
「若果當你欠交，咁你做功課做嚟為乜？」
「佢冇講？佢冇講你唔識問㗎咩？」
「我依家問你一句，你又識得問我咁多句嘅？」
【EC心理微職Fun】
處境一：其實家長可以開多一個zoom望住子女上網課就可以啦！至於您在看著與否？就視乎您當時能否兼顧？不開鏡頭，沒人知道您在看的，您懂的！
處境二：其實家長可以在社區中找一些資源，例如：鄰居、同學的家長、社區中心……。這樣，一份的重擔就可以分攤成為較細的份額；就算您要請假作補償、或是聘請導師，也不需請足5天。
處境三：其實學懂說「不」是一個終身的操練，您和老闆明白甚麼是「彈性上班」和「Work From Home」嗎？
處境四：疫情來勢洶洶，很多事情都未能稱心如意；大家互相提點，我猜：非常時期，總會有非常的「處理」作安排。
【感言】
無論身為老闆或員工的讀者，工作vs家庭、權利vs責任……總是要平衡的，大家多循對方的角度，多作思考，難關總會撐得過的！