我今次係想講下鹿兒島食材，鹿兒島面積在日本各縣十大之內，無論海上，陸上食材都應有盡有，十分豐富。每次去，最開心莫過於去居酒屋，基本都會用當地食材，又平又好味。其中大家都會聽過鹿兒島和牛，特徵是紅肉及脂肪分布平均，在各產地及品牌和牛中，我覺得鹿兒島算是Top。
其次出名的必然是黑豚，最美味的是其脂肪，因為肥而不膩，不會油立立，尤其做涮涮鍋，明顯地不會見太多泡泡或肥油，證明是高質脂肪。
海產則更多選擇，油甘魚、勘八、新鮮鮪魚(吞拿魚)等，相中所見的是“きびなご”即是日本銀帶鯡魚，只有鹿兒島出產的魚種，魚雖小，但好甜好鮮，所以不用芥末醬油，只用醋味噌作刺身食一流。另一種我很喜歡的是鰹魚，做刺身或不同料理都好食，做成鰹魚「酒盜」(即是用魚肝鹽漬)，做鹿兒島燒酎佐酒小食，我給100分。
我上次去呢間，咩料理都係600日圓左右(約HK$45)，十分滿足！
おごじょ家│鹿児島県鹿児島市山之口町11-7