二手蝕讓｜荃灣中心兩房放盤不足24小時 租客即睇即買 業主損手52萬沽
隨著社會逐步復常，農曆年假後樓市交投持續回暖。中原地產荃灣荃景圍分行高級分行經理黃德純表示，荃灣中心本月錄得約12宗成交，相比上月9宗，多約33%。部分業主開始對價錢企硬，而買家心態亦比起過年前多數觀望，現在遇到心儀單位便會出價洽購，價錢合意即果斷入市。
叫價比同類低近一成
黃德純指，荃灣中心17座中層A室，實用面積約374方呎，兩房間隔，享開揚山景。原叫價370萬元，由於單位屬山景優質戶，且叫價比同類低近一成，故放盤不足24小時極速沽出，微減2萬元，以368萬元易手，呎價約9,840元。
恐實蝕70萬離場
黃德純透露，買家為區內租客，見單位屬平價優質盤，機不可失，所以即睇即買。原業主於2017年1月以420萬元買入單位，持貨6年沽出，帳面虧損52萬元，單位期內貶值約12.4%。計及使費，恐實蝕約70萬元離場。
amJetso 🎁送馬哥孛羅酒店賀年糕點 按此參加👉
