天水圍居屋天盛苑新近錄兩房高層戶居二市場成交，作價345萬元，原業主24年賺近270萬元。
樓價回落，有白居二買家欲趁低入市，惟先後兩次被「截糊」，近日睇啱即出手，終成功上車。祥益地產高級分行經理林家倫表示，日前促成天水圍居屋天盛苑一宗居二市場買賣成交，單位為G座高層5室，實用面積517方呎，採兩房兩廳開則。單位日前獲區內客垂青，該買家為白居二中籤者，曾兩度洽購同座單位，惟每次都被其他買家搶先一步買走，為免再次被捷足先登，是次不再猶豫，睇樓後見啱心水，便立即拍板承接。
買入24年升值近3倍半
據了解，單位於本月中旬叫價380萬元，其後多次調整叫價，新買家見樓價已大幅回落，議價後以345萬元承接單位自用，平均實用呎價6,673元。原業主則於2000年以約77.4萬元(居二市場價)購入上址，持貨24年，是次轉手帳面獲利約267.6萬元或升值近3.5倍。
即睇天水圍天盛苑放盤(House730)
🎁 amJetso送全新Tempo掛牆式廚紙，立即開APP玩👇 👇
