荃灣愉景新城高層兩房獲長線投資者趁平承接，成交價568萬元，較兩個月前樓下同類戶平半球。
租金回報收入理想，吸引投資者趁低吸納，入市荃灣愉景新城兩房「蝕讓貨」，成交價較兩個月前樓下單位平半球之餘，料日後租出單位的回報有近4厘。中原地產荃灣綠楊分行B組高級分行經理王春江表示，最近樓市氣氛轉旺，不少買家把握財政預算案公布前偷步入市。
同座低數層同室同呎戶 去年底賣619萬
該分行新近促成荃灣愉景新城6座高層C室成交，實用面積485方呎，採兩房間隔，原先叫價620萬元。由於單位附帶雅緻裝修，加上高層開揚，日前獲投資客一睇即中，幾經議價後，最終大減52萬元或8.4%，以568萬元成交，平均實用呎價11,711元。王春江指，同座低數層的同室、同面積戶，去年12月造價619萬元，今次新成交之造價平過樓下單位，即兩個月跌價51萬元或8.2%。新買家為投資者，見大市向好，亦睇好後市，有感現時樓價水平十分吸引，所以趁低吸納，買入上址打算作收租用途。
上手8年帳蝕52萬
參考同類單位目前月租市值約18,000元計，預計上址單位租金回報約有3.8厘。據悉，單位原業主於2017年以620萬元買入物業，因為想住近居於外區的家人，故不惜大幅降價賣樓，持貨至今8年，現帳面損手52萬元或8.4%離場。
立即更新/下載AM730手機APP 體驗升級功能
