江玉歡化身「斬料師傅」幫同事分乳豬。(江玉歡FB)
立法會綜合大樓擴建工程完工，依家喺中信大廈嘅議員辦事處將會陸續搬返過去大樓。選委界江玉歡嘅新辦公室上星期六已經入伙，今日就買咗脆皮乳豬同到會美食慶祝新辦公室入伙，仲化身成「斬料師傅」幫議辦同事分乳豬。
大爆細個喺燒臘舖長大
究竟江玉歡點解咁有信心一展刀功呢？佢喺社交網站出帖就提到，自己原來自細就喺燒臘舖長大，處理乳豬就自然不在話下啦。佢仲話，經過連日嚟嘅執拾同布置總算有模有樣，又感謝工程團隊同建築工人，令佢喺任期最後一年搬入大樓，日後開會終於唔使奔走大樓同中信大廈之間。
此外，江玉歡仲特別提到立法會秘書處喺主席梁君彥領導下，細心策劃整個擴建及搬遷工程，要喺唔影響立法會日常運作下同時兼顧搬遷細節，實在唔容易。
amJetso請食南記堂食一人牛乳火鍋 立即按此參加👇
