Ray Online｜洪雯解答學生「十萬個為甚麼」 指必須學會睜眼睡覺以免見報
立法會議員除咗開會，仲要負責帶領立法會導賞團。選委會界別議員洪雯分享帶過各種年齡層嘅導賞團，而小學生問嘅問題最多。今次就帶一間女校、10至11歲嘅小學生，熟絡咗之後，大家就開始咗「十萬個為甚麼」。
洪雯和學生一問一答
洪雯一一解答學生嘅疑問，「開會時恰眼瞓點算？必須學識擘大眼瞓覺，唔係嘅話會上報紙」；「突然好想去廁所點算？掌握好發言同投票時間，其他時間可以去廁所」；「唔同意其他人嘅意見，會唔會嗌交？以前立法會成日嗌交，打交亦唔少見，呢一屆相對斯文」；「嗌交嗰陣主席會唔會鬧人？主席唔單止會鬧，仲會趕人走」；「壞人可唔可以做議員？以前立法會有唔少壞人呀」；「議員可唔可以去捉賊？全香港市民都可以捉賊，就睇吓有冇呢個本事」。一班小學生問題多多，唔知佢哋又滿唔滿意洪雯嘅解答呢？
amJetso送太興鮮臘腸 👇立即按此參加
