Ray Online｜「港版Jellycat」醫學博物館器官鎖匙扣被搶購 爭相買「子宮」
Jellycat毛公仔有食物、動物、植物等等嘅造型，喺各地都好受歡迎。至於「港版Jellycat」都唔執輸，就係醫學博物館推出嘅器官造型鎖匙扣，成日被搶購，要密密補貨呀。
醫學博物館有超過60款以身體器官做主題嘅鎖匙扣，包括心、肝、脾、肺、腎，最熱門嘅就係子宮造型鎖匙扣，每個賣38蚊。由於太受歡迎，博物館仲實施限購政策，每人每款式最多買2個鎖匙扣，每人總共最多買10個鎖匙扣。除咗鎖匙扣，仲有一系列嘅紀念品，包括貼紙、明信片、散紙包、帆布袋等等。
推出多款聖誕版掛飾
醫學博物館仲特別推出聖誕版子宮掛飾，今日開始限量發售，另外仲有聖誕神經細胞、綠色抗體、雪花紅細胞、雪人白細胞、金色心臟、聖誕感冒、聖誕流感、聖誕胃痛、大腸桿菌、聖誕皰疹等等。
會員免費換香港麥當勞叔叔之家慈善基金「愛❤迎蛇年利是封」及揮春！
