(@fb鄧炳強 Tang Ping Keung影片截圖)
一向鍾意同公眾分享近況嘅保安局長鄧炳強近期就係社交專頁宣布，開放inbox「局長留言信箱」俾市民問下有關局長嘅問題，增加同大家嘅互動，局長亦會突發喺留言信箱揀選一條問題回答。鄧炳強今日(26日)喺社交平台分享短片就回應咗一個幸運兒嘅問題。
「返工辛唔辛苦？」
今日次幸獲回音嘅陳同學就拍片向鄧炳強連珠炮發問「幾點返工？幾點放工？辛唔辛苦？」，而鄧炳強就回應話平日朝早7時到辦公室；講到收工，局長就道出其他打工仔一樣嘅心聲，「「我都想知道幾點收工」。至於返工「辛唔辛苦」，局長就僅以一句「你話呢？」，笑笑回應。
如何問局長問題
鄧炳強條片出咗之後，唔少網民都大讚局長貼地，另外都有唔少網民想向局長問問題，例如「局長是否詠春拳高手！」、「做*保安心局長辛苦啲定做警務處處長辛苦啲」、「鄧局長，你同邊個局長最老友？」；不過阿Ray要提提大家，想局長回覆，就要大家拍片投稿問問題，inbox(私訊)條片俾「保安局 Security Bureau」小編㗎，先有機會被選中！
amJetso請食南記堂食一人牛乳火鍋 立即按此參加👇
