俄羅斯23歲女子 Anastasiya Sidorova 有一頭超長瀑布秀髮，所以唔講唔知原來佢18歲時曾罹患遺傳疾病雄性禿(androgenetic alopecia)，差啲甩晒所有頭髮。
佢大驚之下向皮膚科醫生同植髮專家求助，經過連串調理同治療，唔止無脫髮，仲慢慢變成「真人版長髮公主」，成為專業美髮專家，專門幫有脫髮問題嘅人提供解決之道。
Sidorova公開自己護髮祕訣，就係從來唔將頭髮拉直，吹頭前會先等頭髮六成乾，然後塗一層護髮油，再吹乾頭髮，同埋每日補充維生素D同omega-3，保持髮質健康。
Sidorova憑一頭瀑布紅髮吸引34萬IG粉絲，仲為知名美髮品牌潘婷拍廣告。
