首先你要明白一個道理：他/她沒有真的討厭你，更不是因為你嘅體型而厭棄你。
試想像同喜歡自己嘅人講「其實我有好多陰暗面㗎，唔好喜歡我啦。」喜歡你嘅人必定會大惑不解，心想陰暗面不是人人都有嗎？同樣，試圖向討厭你的人示好，展示自己好的一面，甚至試圖改變自己以換取喜愛。討厭你嘅人只會冷冷一笑，根本沒有改變心意嘅打算。因為問題核心是原因從來不在於你。要知道人從來唔會真正因為你嘅聲線、身高、體重、髮型，等等外在條件而憎恨你。如果一個人表現到好像討厭你，係因為他/她喺你身上發現一啲佢自己本來有而抗拒，或者拼命想要但從來得不到嘅特質，你喺度所扮演嘅只是一面鏡而已。
從來唔好為任何人改變自己，尤其唔好為討厭你的人。為此類人改變自己，就有如去老麥嗌乾炒牛河——嘥X氣；你永遠唔會得到你預期嘅結果，只令自己白忙一場。當然尋求認同感是人之常情，減肥亦沒有錯，但前提係你應該為自己而做。況且一段建基於體型嘅友誼，你真的想要嗎？
無論面對喜愛你或討厭你的人，忠於自己便可以了。試試將佢哋帶俾你嘅負面情緒轉化為對自己有益的事吧，理得佢哋點睇，重要的是你喜歡你自己。
別忘了身體要緊，祝安好！