引用台灣師大研究同大家講解謎思，
做2歲幾小朋友言語評估時，經常聽到，
「係咪大大吓就識講？」嘅想法……💨
大家可能只係睇到佢「遲開口」，但唔了解係「大腦發展問題」或是「環境因素」影響。正如以下圖表，2歲只見到佢「比正常弱」，但唔知佢之後個走向(去到4歲)會點。返咗幼稚園之後，單純受「環境因素」缺乏說話機會及語言輸入嘅小朋友，就可以「追返少少」，家長就會見到「進步緊喎，好返啲喎」。
要小心注意！有另一批小朋友「大腦發展問題」影響，群體生活及教育未必能滿足學習需要。因此，返學後仍然「都係好弱」甚至愈來愈明顯，影響範圍擴大至學習、社交溝通、情緒表達層面。
最後，希望家庭成員之間唔好互相怪責，
有咩唔明就及早搵人幫手，唔好估，
4 歲前大腦仍處於迅速發展階段。
作者為香港註冊老師、言語治療師Ms Wincy
兒童語言發展可受環境因素或者大腦發展問題影響。