提款Day？真心膠Day！

上星期最震撼一眾粉絲嘅新聞，肯定係COLLAR阿Day同Nathan拍拖嘅傳聞。男方我唔多講，無謂踩多腳，女方就以天然呆見稱，好多人都擔心佢變「提款Day」，傻更更借錢俾人。到底當中有咩真、有咩假、有詳誇大咗？我唔知，但我就歸納咗三個「唔希望係真」嘅傳言，同一個「希望真啦」嘅重點。

唔希望係真：

1) 唔希望佢哋拍過拖：經理人Wing個回應，簡單來講就係話佢哋係識，但而家就唔係拍緊拖。咁到底「了解過程中」有幾密切呢？老實講，後生仔flirt下都毋須驚訝，最驚係傻更更，我覺得唔係扮嘅，Day見人低潮，諗住唔好意思人哋搵佢，佢連安慰都唔俾，分唔清愛心同心愛嘅分別？咁最後傷嘅自然係傻Day。

2) 唔希望佢借過錢俾佢︰其實我相信佢哋冇真係拍過拖嘅，最多只係有段時間比較密切，Day會唔會見人無錢開飯就借錢俾人? 佢係COLLAR其中一個最受歡迎嘅，21歲女賺多個錢，傻下傻下又愛心爆燈，會仗義幫人並唔奇。但如果借俾啲唔應該借嘅人，咁唔係仗義，而係慘慘受害人，受害人最怕係有創傷後遺症。

3) 唔希望同行真係敵國︰坊間有指今次爆料嘅人係兩個同行單位，老實講知道呢件事嘅，一定係兩位主角嘅好好好朋友，又或者有利可圖嘅人啦。同行A被質疑啱啱有單負面新聞，所以佢/佢公司就爆料，轉移視線。同行B就係幾個入行前經已同Day好好朋友，但而家就係對手啦。無論A定B，即使係同行，都係Day好信任嘅朋友。雖然打擊Day對佢哋都有「著數」，動機成立，但我唔希望係真，唔希望呢個世界因利益可以做到咁盡。