去旅行最緊要玩新嘢同食好嘢，所以，近年有唔少朋友都選擇遠離東京和大阪等傳統旅遊熱點。當中名古屋、四國及岡山等地紛紛跑出，邦主深信大家一定有見過朋友分享白川鄉啲屋仔相！
大家去到香川縣就梗係要學造名震全球嘅讚岐烏冬。當地都有好多呢類型嘅烏冬學校，等大家有機會體驗吓當地文化，千萬唔好以為上30分鐘堂就做大師傅。大約一小時嘅課程，有得玩有得食。師傅會同大家簡單介紹烏冬歷史，造烏冬要注意嘅事，當然會比大家試試搓粉、切麵等等。而最令同學興奮就一定係踩麵團嘅環節，全場播起強勁嘅音樂，而本來嚴肅嘅師傅就傻咗，同啲同學喺麵團上又唱又跳，三歲到八十都會全情投入，跳過不停！而大家亦有機會試番自己早前造嘅烏冬同卒業證書。絕對係一家大細都啱玩！
邦主上次就去咗金刀比羅宮附近嗰間中野烏冬學校，食完烏冬午餐，順便做吓飯後運動，行番千幾級樓梯上呢個被稱為日本人一生一定要參拜的神宮參觀。