有一種說法係，維尼之支持者，最近因為貿易戰上佔晒下風，響內部壓力好大，四周圍畀對家插。所以，送終單嘢如果跪低，對佢地支持者來講，面對之壓力會仲大。咁無辦法了，香江一姐就只能夠硬去。響呢個時候，你仲去問香江一姐點解唔放下屠刀，立地成佛，面對Hard Decision，點解選擇用最強硬的方法對應？可能佢會答你，原本上頭係想用東風三型火箭去對付啲烏蠅，幾經辛苦先至轉為AK48步槍，咁仲畀人鬧佢賣港？
大家明白啦，權術呢家嘢，上面比你更叻更仲著緊。今次維尼之支持者，又可以借呢次送終單嘢，再一次夾晒班建制派議員落水，一張票都唔准走，仲要夾得大力啲，等佢地個個連內部講下些少反對聲音都唔准，問你怕未？
轉頭睇下英國佬。保守黨內部打生打死，點都係為咗個相位。May姐拍拍屁股鬆人之後，黨內一度傳出有成八、九個想選，真係好好笑。大家唔好以為，May姐走後，真係冇繼承人。之前個個扮嘢唔想出，因為係驚輸畀May 姐欽點嘅支持者。依家May姐一話散水，波叔(Boris Johnson、圖)好自然又彈出來。我真係對波叔印象麻麻，做倫敦市長無乜大建樹，入去做國會議員更無政績，做外相就更加講錯嘢。但係，佢咁鮮明之反歐形象，真係贏盡全場。要知佢贏面大唔大？唔好問保守黨國會議員，該問英國太陽報。依家英國太陽報仲未公開出聲支持邊個，但係就明示暗示地顯示，佢地支持波叔，因為依家保守黨選民，好唔滿意May姐搞嘅退歐方案，認為係假脫歐，波叔拍心口話我一定得，相信可以挽回一啲保守黨選民。
上周美帝侵侵訪問英帝，仲同事頭婆有講有笑，查實侵侵今次行程，原本都想同波叔講幾句鼓勵之說話，波叔唔知點解都唔肯見面。呢一招醒目，因為好多保守黨支持者即使係反對脫歐，但未必代表佢地都鍾侵侵。英國之保守黨支持者，即使點樣討厭工黨，但唔代表一定支持保守黨，咁波叔真係fit晒支持者的需要，咁有評論仲話，波叔同保守黨，今次真係天作之合，下之大亡選必然會贏到開巷。
當然侵侵都知道，支持波叔，未必會得米，但就可以借此炒作下，等美帝啲人覺得，侵侵雖然表面上好怪，但查實侵侵嘅支持度，真係橫渡大西洋，勁過太平洋。咁侵侵下周都應該會公布佢會連任，跟手就開始進入競選之期。一般而言，美帝選民都會畀現任總統連任一次，咁侵侵已有優勢，至於對手呢，據有探子回報，民主黨的大佬好鍾意拜登，仲已經畀咗拜登綠燈，等佢上去民主黨初選win 上加win。如果係咁，年底就會出現侵侵同拜登之戰。咁拜登又係同克林頓及希拉莉好熟，well，又係一次侵泛惡鬥翻版希拉莉？