片皮鴨一直俾我嘅印象係飽、油、膩，或者可能第一次接觸係喺屋企樓下嘅街坊酒樓，質素係參差啲嘅。
近日喺尖沙咀開分店嘅古琴雅苑，就搵咗個北京烤鴨師傅嚟駐場，負責睇實北京烤鴨呢個招牌菜式。北京烤鴨同片皮鴨唔同，片皮鴨主要切皮，只帶少部分嘅肉，所以食落比較膩。而北京烤鴨就皮肉一齊切，每片大小均等。來自北京嘅甄亞風師傅仲調咗個蜂蜜黃梅醬，建議大家夾埋哈蜜瓜一齊食，咁就無咁油膩。佢仲會切出小塊鴨胸皮，趁熱蘸上白砂糖同吃，只溶於口不溶手。Hmmm……食埋今餐先減啦……
菜式方面基本上同灣仔一樣，新推出嘅蔥香鮑魚拌麵，用上6至8頭大連九孔鮑魚，炆煮至稔身而入味，易切易嚼，再加埋個蔥油係不敗嘅配搭。咁當然，唔係特別好鮑魚的話，叫返平日個蔥油拌麵都OK！ 北京烤鴨 $178/半隻
古琴雅苑│尖沙咀北京道12A號太子集團中心15樓│2882 1582