適逢「七七盧溝橋事變」80周年，香港抗戰歷史研究會及警察歷史收藏學會昨舉辦由中原慈善基金會贊助的《烽火歲月的記憶—抗戰歷史的展現、反思》展覽，Ray都有去睇，仲認識咗一個從未聽過嘅歷史—南石頭難民營。
話說1941年香港淪陷之後，日本推行歸鄉政策，然而船泊岸後，大部分回廣州嘅香港難民都被關入廣州珠江口南石頭難民營，供日軍8604細菌部隊用作細菌實驗同活體解剖。廣東省政府參事 譚元亨 估計，在1941至日本投降5年間，南石頭難民營死亡人數至少達6至10萬人，仲多過我哋熟悉嘅731部隊事件。
展覽由昨日起至今個禮拜日喺上環文娛中心舉行，公眾可以免費入場，同場亦有展出逾百件「日本侵華時期的員警」及「日本侵華時期的毒品種植和販賣活動」文物同資料，大家可以去參觀下，加深對香港抗戰時期歷史的認識。
廣東省政府參事 譚元亨