嗰日喺fanpage寫咗一篇關於玩具嘅post，冇估到竟然短短半日就引嚟過百留言加過千個Like，平時出親啲玩具post都冇咩反應，但呢個………可能因為講起男人玩玩具同佢身邊女人嘅關係，所以先有咁多爸打忍唔住要蒲頭回應………
因為最近響日本搵番hottoys已絕版嘅神物《黑暗之神》DX11小丑2.0版本，加上最近拎返嚟嘅《自殺特攻隊》Joker，所以我就將佢哋擺埋一齊，每次做嘢好攰，覺得自己又扮緊小丑緊人笑，甚至喺出面遇到啲衰人，受完氣，我就會望住呢一格入面嘅小丑玩具，同自己講，Why Sooooooooo Serious？
聽講依家網絡好興話啲女人唔准男人買玩具，我仲見過有張婚宴酒席相，新娘送咗個御准繼續買玩具嘅牌匾畀老公，當時全場男人，由新郎到兄弟到長洲賓客，全部感動到眼濕濕，覺得呢個女人何止娶得過，簡直係真正不能錯過的女人啊………
雖然都有唔少女仔留言話佢哋，唔單止會陪男友老公買玩具，甚至自己都儲埋一份，但畢竟都係啲專制霸道，覺得男人玩玩具好嘥錢好幼稚嘅港女居多。
聽過太多港女因為結婚生仔，迫啲男人賣晒啲玩具佢，但我想問，如果男人冇迫過女人賣手袋或者掉高踭鞋，點解女人要迫男人捨棄佢地嘅玩具？
女人唔開心嗰陣望住啲鞋同袋，其實同男人望住玩具一樣，都有治癒作用，望住望住，又有返動力披番個面具繼續捱落去，問心，其實個女朋友唔能夠俾到男人治癒作用已經好慘，仲要男人捨棄佢嘅童真，佢嘅夢想，何其殘忍？
一個接受唔到我啲玩具嘅女人，我都無辦法接受到佢，因為我嘅童真，係我努力保留咗咁多年都慶幸仲喺度，係我人生好重要嘅組成部分，至少keep得耐過佢地隻豬………
所以，唔好迫我捨棄。
#結咗婚我都唔會交出嚟 #男人玩玩具無畏又無懼 #唔俾玩玩具就唯有玩陽X
#男人砌高達做人有計劃 #識玩ironman禮金唔慌平 #鍾意聖鬥士唔怕性有事