試當真推NFT。(網上圖片)
《試當真》出NFT，惹來很大反彈。事件來龍去脈，千頌C的《試當真NFT懶人包》寫得清楚。當中幾點我認為值得跟進一下：首先「話說試當真出NFT，賣0.2eth，出6,000個。0.2eth依家約4,800元，若成功賣晒，相信籌到近2,900萬元」。「然後聽埋NFT性質，佢哋話唔係出張jpg就算，資金所得，會達成四大目標(即NFT所謂嘅Roadmap或一般上市公司嘅use of proceeds)，包括每日一片、搞舞台劇、開藝員訓練班、拍電影，咁NFT持有人會有獨家福利。」
「實在唔明整件事的包裝，可以出事到咁。宣傳片豪哥已講明唔識NFT，其實揾Jessica、阿慈講都仲講得過，但豪哥係老闆，冇可能由你把口講『我唔識㗎』，你唔識又叫人買？之後又話NFT交俾兩個你相信嘅專家去搞。問題嗰兩個人，好多NFT問題都解答唔到。問專家點解唔收現金、信用卡，之後你俾返NFT我？唔講杜生，就連坂本龍一賣音符NFT都可以用信用卡啦。『專家』就話，唔收信用卡是希望帶大家進入metaverse，學買NFT，之後可以買其他project。第一，對fans來講，未必個個想學，好多人只係純粹出於對試當真嘅支持；第二，『專家』你揸住咁多project，咁講會唔會太有利益衝突？」
千頌C是15個月死忠毛，真心希望試當真最後化解到fans們憂慮。果然試當真最後拋出更具體Roadmap，似乎有化解一場「公關災難」。其實未解決計劃背後更根本的「專家災難」。
專家希望帶大家進入metaverse，自問不懂NFT的3位老闆卻沒有打算帶試當真進入區塊鏈世界。我們要問，眾籌好、賣會籍也好，沒有打算在內地投資，為何要以人民幣集資？這除為支持者帶來不便甚至風險，亦為集資者帶來更大不便和風險。支持者先把港元兌人民幣，集資者再把人民幣兌換港元，即使兩幣掛鈎，也必會蝕買賣差價和手續費用。更何況兩幣兌換價可升可跌，集資者應何時把人民幣兌港元而避免人民幣貶值帶來的損失呢？
試當真的例子，新會員制是為了cap手持大量crypto而又在覓找投資機會的人的水還可理解，但我相信賣會籍為的是提升本地製作。既非進軍大灣區，便不應收人民幣；既非進軍元宇宙，又為何收以太幣呢？向會員收千萬人民幣，你要懂得如何以最低成本把大量人民幣兌換港元。向會員收千萬以太幣，不懂NFT的老闆更不懂得怎樣以最低成本把大量以太幣兌換港元應付搞舞台劇或拍電影等實體經濟的投資。輿論都搞錯了，再好的Roadmap，都可以透過籌集港元作會員費去推行。專家災難，是專家至今仍未解釋到一個本地實體經濟會員計劃，為何要以虛擬貨幣集資？若成功集資近2,900萬元，支持者會接受將有數以百萬計血汗錢浪費在兌換交易費用上嗎？這可能比國泰航空(293)為對沖而輸期油更難看。
作者為美國克林信大學經濟系副教授、香港大學香港經濟及商業策略研究所名譽高級研究員、中文大學香港亞太研究所經濟研究中心成員 http://www.facebook.com/economics3.0
逢周一、三、五刊出