又一個忠心耿耿嘅傳奇隊長要光榮引退喇，拜仁慕尼黑隊長拿姆先得33歲，就突然宣布完成今季後會掛靴。由拜仁青訓開始，拿姆除咗曾經外借過去史特加兩季之外，整個職業生涯只効力拜仁一間球會，真係桄榔樹一條心，仲帶領球隊贏過德甲、德國盃、歐聯及世冠盃所有錦標。不過，聰明隊長之所以獲讚聰明，皆因佢無論踢閘定防中都能勝任，連有機會射門都腳頭十足，把握力拍得住前鋒。拿姆嘅足球智慧又點止咁簡單，佢喺職業生涯中從未領過紅牌。2011年開始擔任拜仁隊長，佢以身作則，正因對自身非常有要求，退落嚟之前，期望努力爭取更多錦標，咁就真係為職業生涯畫上完美句號喇。
