收租客「無睇樓」擲425萬購葵涌廣埸兩房 回報料逾4厘(有相)｜二手樓成交
細價樓交投加快，投資客積極入市收租。中原地產葵涌高級資深分區營業經理許偉業表示，葵芳葵涌廣場新錄得一宗成交，單位為第1座中層D室，兩房間隔，實用面積318方呎，減價約13%獲收租客「無睇樓」連租約承接。
輾轉多次終入市葵涌廣場
據悉，筍盤難求，買家揾樓多時，一直留意葵芳區屋苑型式，樓價要求合乎420至430萬元，之前傾過兩間葵涌廣場細位，其中一間封盤，另一間被人截糊，轉戰新葵芳花園，但略歉舊及價錢超過預算，原本已放棄，但最近幾經努力，終找到一個連租約開價490萬的葵涌廣埸細位。
原業主揸15年倍賺走
許偉業指，該單位於上年以1.46萬元租出，買家買來亦想收租，不介意連約無樓睇，雙方會面後，買家還價420萬元，對業主430萬元，最後各自讓步5萬元後以425萬元成交。以租金1.46萬元計，新買家料享租金回報逾4厘。
至於原業主於2010年6月以202萬元購入上述單位，持貨15年，是次轉手帳面獲利223萬元，單位期內升值約1.1倍。
立即更新/下載AM730手機APP 體驗升級功能
