撤辣之後｜平盤快速減少！上車客驚遲買會貴 睇樓半日斥405萬購大興花園兩房
樓市全面撤辣後，二手交投加快。中原地產屯門御海灣分行高級區域營業經理陳錦明表示，屯門區3月首4日速錄40宗買賣，當中包括大興花園1期2座中層H室，實用面積約428方呎，兩房間隔。
據了解，去年12月放盤價410萬元，最後微減5萬元，以405萬元沽出，呎價約9,463元。陳錦明透露，新買家為外區上車客，見《財政預算案》落實撤辣後，樓市即時轉旺，決心盡快置業，日前下午帶同家人出動睇樓，見心水單位睇一間賣一間，平盤快速減少，驚遲買會貴，睇樓半日極速購入上址。
翻查資料，同座低層H室，實用面積和間隔相若，去年4月以460萬元成交，意味造價相隔不足一年跌55萬元或近12%，且是次成交單位樓層較高。
原業主於2001年以88萬元購入單位，持貨約23年，現轉手帳面獲利317萬元，物業期內升值約3.6倍。
立即更新/下載AM730手機APP 體驗升級功能
