學生自殺事件，由去年9月開學到而家已經發生20宗。每次當有學生自殺，社會普遍輿論都認為學生自殺是不應該，佢哋有自殺念頭肯定係因為佢哋唔成熟、唔捱得、經唔起磨練、鑽牛角尖及一時衝動等等，而這一切都是一般不負責任的行為，所以判斷佢哋嘅行為係愚蠢甚至不值得同情。
而對學生自殺諸多批評的人大部分都是所謂的長輩，他們給學生建議通常都係「忍下啦」、「我後生嘅時候咪又係咁樣捱過」、「我嗰陣要面對嘅問題咪仲大過你，唔通我又咁樣死咗佢咩」、「聽下我哋講，試下跟我哋方法做啦，唔會點條黑路俾你行」等等，總之就習慣以為分享自己嘅成功經驗就係點到一條好路俾後生仔，然後後生仔唔接受建議或唔跟從就覺得佢哋就無可能成功。
學生自殺真係一定是他們不負責任的行為嗎？佢哋點解自殺呢？翻查新聞就發現佢哋大部分都係因為學業或家庭不開心，或因為來自外面嘅壓力。試問壓力如何出現呢？最容易發生就係因為佢哋都在意人事物的關係，如果佢哋係咁不負責任，咁又點會對人哋意見咁上心呢？
點解成日都有長輩講自己嘅抗壓力好強，某程度就係對某人事物都不太在意。講白啲，以前嗰代甚至到七、八十後，都有一套流行抗壓嘅方法，就係「賴皮」。
無論對任何自己唔喜歡但又被迫做嘅事，都採取「有認錯，無改過」嘅偽服從態度，以而家呢一代嘅言語就係「hea咗佢」，但當然一旦要hea，就要堅定不移地hea，直至自己可以不透過了結生命而去處理問題。
或者長輩的「賴皮」生活態度就是其一個處理問題的良好方法，而且比自殺更爽皮更低成本，現今受壓力困擾嘅學生真係可以試試。
天生與皮膚癌同生共死，生前已寫好遺書，辦好葬禮，深信擁抱死亡才能活在當下。