喺香港食燒雞，仲要食原隻，未食過一隻令我滿意，直至遇上西環呢間法式小酒館Bistro Du Vin，因為呢度來自新加坡嘅大廚Peter Teo招牌菜就係燒雞Roasted Whole Chicken ($790/要預訂)，佢用法國傳統方法再加少少個人元素，以溫和粉紅胡椒、百里香、牛油&海鹽等調味，綁好雞身再搽牛油放入雪櫃，令所有味道慢慢浸入裡面，成個準備功夫需要兩日；烤雞原隻以鳥巢式出場，尾部插住大量香草，香氣撲鼻，賣相超吸睛，最啱相機食先，之後大廚斬件再加醬汁，伴以法國青豆，外皮烤得薄脆，肉質嫩滑多汁而不乾身，非常入味，要做好一隻燒雞絕不簡單，時間心機創意缺一不可，呢隻絕對係我食過最好味嘅原隻燒雞之一。
Bistro Du Vin│西環堅尼地城爹核士街1號地下D號舖│28243010
Roasted Whole Chicken賣相超靚最啱相機食先。 ($790/要預訂)
斬件再加汁伴以法國青豆。
皮脆肉質嫩滑。
法式小酒館格局。