雲吞麵$35
淨水餃$40
當我知道中環機利文街麥兆記結業之後，有一種不安嘅情緒湧上心頭。傳統雲吞麵舖，執下一間執下又一間，香港真的容不下傳統廣東麵食?現實係，市場上日式拉麵與麻辣米線就愈開愈多愈賣愈貴，一碗拉麵動輒過百依然排長龍，工序繁複只賣四五十塊錢的雲吞麵卻乏人問津。後生一代一邊高呼我愛香港，一邊廂狂隊拉麵與譚仔，另一邊廂對香港本土飲食文化嗤之以鼻，如此下去，本土情懷重要一員的雲吞麵將會變成碩果僅存，那時候才去懷念，後悔已太遲。雲吞麵，你唔好死。
幸好，有人辭官歸故里，有人漏夜趕科場，能遇上好食嘅，不妨多啲幫襯。北角健威花園開咗間「趣園麵家」，這裡的雲吞麵絕對食得過，麵質爽口彈牙湯底清香，偏向傳統口味，成擔心機都只賣$35碗，好抵吃。淨食推介水餃$40與炸鯪魚球$32，前者餡料非常飽滿，我喜歡水餃木耳夠多，吃落會帶點爽脆感，加上大地魚，鯨吞半打屬等閒事；後者即叫即炸超香口，真係好熱，小心燙親，入口頗重陳皮香氣，四粒賣$32，$8粒真係賺D乜?呢兩款淨食必點！吃到肚滿腸肥之際，見到餐牌上寫著柱候牛筋腩$78，一不做二不休，立即外賣一盒夜晚消夜，炆得夠厚身入味，腩夠腍筋黏口，妙品！
趣園麵家│北角英皇道560號健威坊地下L15號│ 2776 0399
趣園麵家
炸鯪魚球$32
柱候牛筋腩$78