媚姐鹹菜雞，皮爽肉嫩，蒸雞火候控制得宜。
呢幾個月，叫外賣次數之多，對於無飯一族來說肯定破晒紀錄，而我亦一樣，當中外賣得最多係燒味，叉燒燒肉切雞油雞有種食到厭的感覺，尤其切雞油雞，間間燒味舖做法大致相同，廣東人做雞有好多種方法，「媚姐鹹菜雞」的出現，外賣生活中一個新衝擊。
常言道，高手在民間，多得網絡力量，令到各大隱世做菜高手不再隱世，前聯和墟茶檔老闆娘媚姐出山，一道「媚姐鹹菜雞」在FB曝光後瞬間爆紅。呢隻鹹菜雞當然有其過人之處，由鹹菜、蒸雞、切蔥、磨薑，都由媚姐親手處理，尤其是鹹菜經浸水後、再略略炒至乾身，味道非常「乾淨」，再配合即磨即切的薑葱油，絕對是白飯殺手，若果雞調味再重手一點就perfect池。食剩鹹菜薑葱油不要倒掉，留待第日來個二創，烚個米粉，加幾片豬肉略煮一下，鹹菜豬肉米即成。記住，剩食是美德！
叫鹹菜雞食，記住煲定多啲飯，否則盞到時爭飯食。
媚姐鹹菜雞1隻$388/半隻$198
客家炆豬肉$128
*暫時只能提供有限訂購，只做星期六/日 *記住不接受訊息落單。如果你想落單必須在逢星期五的開售po下留言
落單詳情│媚姐鹹菜雞FB專頁│https://bit.ly/2PPfqHW│
盒上貼有食用說明，很貼心，附設辣椒伴菜亦夠惹味。
媚姐親力親為，憑一己之力，每周只能做30隻左右，想食就要快手訂購。