我作為一個愛日愛台人士，總有十間八間餐廳List喺口袋以備不時之需，所以好友們常常會問「東京邊間壽司O？台北邊間牛肉麵好？」，大多都很滿意我提供嘅「服務」，就好似最近推介咗東京「壽司•天」俾朋友，而佢為表謝意即時send相俾我大讚好吃，問題就來了，睇完相後我壽司癮發作，又不能立即飛去食，好彩上周六喺K11 MUSEA遇到「IE Sushi and Teppanyaki」，午市有壽司或鐵板燒提供，而且魚鮮全部日本飛機貨，其中一貫北海道牡丹蝦，蝦身晶瑩剔透，非常甜美；要釐定壽司店水準如何，赤身做得好的話差不到哪裡，呢度合格有餘；北海道喜之次輕炙後油脂更甘香，加上紫菜蔥花，多一份香脆口感配搭見心思；青森秋刀不時不食，師父處理得非常乾淨，肉質細嫩有彈性，搭上薑蓉蔥花中和魚腥，入口極度鮮甜……九貫壽司連甜品約四百零蚊，划算划算！偶爾來K11 MUSEA解下壽司癮也不錯。
IE Sushi and Teppanyaki│尖沙咀梳士巴利道18號Victoria Dockside K11 Musea 5樓510號舖│2633 0111
