早陣子上YOUTUBE《健康‧旦》節目示範納豆食法。
因納豆有獨特的怪味道，很多外國朋友都吃不下。其實我以前都怕食，只要知道點食會好味便不同了。現在我變成好鍾意，幾乎每日都食呢。
最近聽香港的朋友說，他的家庭醫生也建議他吃納豆，有助通血管，改善血壓等。原來不單日本的醫生，外國的醫生都開始認識納豆好處啊。
製造納豆其實好簡單，將洗淨的大豆蒸熟，加入納豆菌發酵十日左右，出現黏黏的絲便是發酵完成，可吃了。日本關東，東北地方人比較多吃納豆，我們都認知納豆對心筋梗塞(即心肌梗塞)及防止中風有幫助，對整腸，提升免疫力，控制血糖上升都好好，女士多吃據說有美顏作用呢 !
但香港朋友常問我有甚麼方法可以解決納豆臭味呢？我覺得其實臭豆腐，榴槤都比納豆臭100倍，如果你食到，納豆難不倒你的。上次同旦哥分享，可以選擇加wasabi、麻油、七味粉/辣椒、醬油或醋等不同調味料拌勻食，亦可以做成納豆壽司卷都是容易進食的。
相中的是我在家喜歡做的豐富版本，有納豆、日本生雞蛋、漬物、魷魚刺身(或其他刺身也可)、山芋蓉，加蔥粒、wasabi、醬油，食時拌勻，不同口感及食味，好好好豐富，亦不會太濃納豆味，是營養滿分的一餐。
想身體好，挑戰下食納豆啦！