租客不想再捱貴租，斥516萬元入市火炭銀禧花園兩房，呎價1.01萬元。
租金有升無跌，令不少長期租客棄租轉買，入市做業主。利嘉閣地產沙田-御龍山分行高級聯席董事洪振興表示，日前促成火炭上車屋苑銀禧花園6座低層G室二手成交，單位實用面積510方呎，屬兩房間隔，景觀望山景。
附全屋靚裝 慳裝修費
據了解，新買家為首置客，一直租住單位，眼見租金上漲而不想再捱貴租，計劃轉租為買。睇樓上址後，認為單位全屋附有靚裝修，可即買即住，加上樓價合理，遂決定入市自用。單位原以550萬元放盤，議價後以516萬元成交，折合實用面積呎價10,118元。據悉，原業主於2017年以約566萬元買入上址單位，持貨7年易手，帳面虧損約50萬元，貶值約9%。現時銀禧花園約有35個單位放盤，最低入場費由約510萬元起。
amJetso 🎁送馬哥孛羅酒店賀年糕點 按此參加👉
