深井碧堤半島三房套970萬沽 「冇樓睇」仍吸引買家照扑槌｜有圖
二手交投氣雖有所降溫，但優質單位不乏買家追捧，甚至即使「冇樓睇」亦能成交。
晉誠地產高級營業經理鄧錦雄表示，深井碧堤半島6座高層C室，實用面積約893方呎，三房套間另加工作套間隔，成交價970萬元，呎價約10,862元。從單位相片可見，外望開揚海景。
⇊深井碧堤半島6座高層C室⇊
睇樓後鍾情「蝴蝶則」及高層單位
鄧錦雄透露，新買家睇過屋苑單位，鍾情「蝴蝶則」，即兩邊房小走廊間隔，並看中單位屬高層，惟見近期成交量較多，但可供出售的高層單位甚少，合理價錢則更加少。由於單位仍有租客居住不設睇樓，不過租約就快期滿，可交吉交易，所以買家決定放棄睇樓，直接洽購並成功入手。
原業主已移民 轉手賺177萬
據悉，原業主2012年以793萬元購入單位，由於已移民外國，故決定出售物業，代理更在機場接機並簽定合約，持貨約12年，現售出帳面獲利177萬元，物業期內升值約22.3%。
碧堤半島位於深井青山公路深井段33號，2003年1月入伙，共有3期涉及8座，提供3,345伙，單位實用面積由515至1,961方呎，附近有碧堤坊。