減息前趁低入市 外區客心儀港鐵站上蓋 斥740萬買兩房｜二手樓成交
鐵路屋苑受買家追捧，利嘉閣地產將軍澳廣場都會駅分行高級經理王亦俊表示，將軍澳都會駅2期7座高層C室，實用面積約503方呎，兩房間隔，外望開揚山海景。
王亦俊透露，新買家為外區客，計劃趁減息前入市，早前透過利嘉閣真盤源平台搵樓，經代理介紹上址及睇樓後。客人鍾情屋苑位於港鐵調景嶺站上蓋，享有雙線交匯的優勢，加上外望優美景致，初次睇樓即覓得心儀單位，遂向業主洽購，議價後以740萬元成交，呎價約14,712元。
同座高層戶造價一年跌12%
據悉，原業主於2014年以約610萬元購入單位，持貨約10年，現轉售帳面獲利約130萬元，物業期內升值約21.3%。參考同座高層C室，實用面積及間隔相若，去年8月以843.5萬元成交，呎價約16,769元，即相隔一年同類型單位成交價回落約12.3%。
王亦俊補充，屋苑目前約有78個單位放盤，最低入場費由約660萬元起。資料顯示，都會駅位於調景嶺景嶺路，位處港鐵調景嶺站上蓋，2006年入伙，分兩期發展涉及9座，提供3,768伙，單位實用面積由437至972方呎；附近有都會駅商場。
amJetso 🎁送馬哥孛羅酒店賀年糕點 按此參加👉
