衝浪勝地Waikiki Beach。
天氣咁凍，勁唔願郁，坐響屋企，室溫得個位度數。晨早返工，冷氣巴士暖過街道。思前想後，都係學幼稚園同小學生提早放假偷襲新年，邊度會暖啲，當然喺夏威夷……
夏威夷名字英文State of Hawaii，如果只睇個名以為日本feel解「可愛い」嘅Kawaii，但見前面有State一字，好明顯係美國嘅地標。其實夏威夷加入美國，係近100年嘅事。佢同其他49個州唔同，獨立於美洲大陸，為美國領土最西南一方，由紐約搭飛機過去，都要成4、5個鐘頭，亦正正因而變得得天獨厚，美國人的避寒樂土。
美後花園 四季如夏
夏威夷原名為Owhyhee，為當地原住民的「故鄉」之意，喺1776年夏威夷群島被英國航海家James Cook發現。至1843及1849年英國及法國分別宣稱擁有地區主權，再到1894年自治政府表示，希望可以加入美國，於是1898年才正式成為美國聯邦。不過要到1959年美國國會才完成對阿拉斯加(Alaska)同夏威夷嘅核准，准許加入成為聯邦之下州份，分別排第49同第50，即現時為止的最後一個。
夏威夷嘅中文翻譯可謂意達雅，5至10月為冬季；而11至4月則為夏天。夏日氣溫約為23至30度，冬天則20至26度左右，變化咁少，都唔使點樣適應，一個字講晒，就係「暖」嘅感覺！而且仲可以食到當地新鮮出產嘅果仁同菠蘿。
港昔建設 生活如畫
其實夏威夷有8個島嶼，多數都係先降落首都檀香山。檀香山英文名為Honolulu，亦同樣係出自於本身原住民語言。其實檀香山係個山區，大部分設施都係喺海邊平原同靠填海。而當中盛產的檀香木，亦係香港人所熟悉。講到親切，到步入境後，彷彿置身於昔日的啟德機場，簡直係七十年代香港那份簡單和樸實的倒模。當然嚟得夏威夷，吃喝玩樂少不免，點都要到一到滑浪勝地Waikiki Beach(威基基海灘)，見一見共5次獲得奧運會游泳金牌得主嘅衝浪達人Duke Kahanamoku雕像。
海灘上除了白人之外，亦有甚多的日本遊客，正因為係最近嘅美國領土，自然好多日本人喜歡前往，起碼都叫做出過國旅遊。你睇十幾年前日劇《Good Luck！！》第一集，木村拓哉喺沙灘岸邊瞓覺就知啦！尤其係北海道地區的朋友，冬天唔使喺寒冷天氣下白雪濛濛，生活一啲都唔浪漫。所以話夏威夷，四季如夏，正係美日退休人士所選擇的第二人生。
首地襲點 如箭在弦
講起度假，其實對於當地人來講亦都唔係日日都咁寫意，仲記得上個月一位警報操作員失驚無神咁撳錯掣，於雙重認證下向居民發放訊息，指美國太平洋司令部偵測到威脅，一枚導彈可能在數分鐘內影響境內，仲要馬上尋找庇護地點。其實眾所周知，北韓所製造的是不會爆炸，但確實對於夏威夷的居民來說，這種偷襲的而且確在幾十年前發生。而發生嘅地點，正正係夏威夷境內的美軍基地——珍珠港。
四季如夏，正是夏威夷的特色。
